Hizbullah milislərinin dəstələri Livanla sərhəddən 35 km aralıda Aşağı Qalileydə yerləşən Tiberiya şəhərinin qərbində İsrail hərbi bazasına raket zərbəsi endirib.

İqtisadiyyat.az xəbər verir ki, bu barədə qurumun "Telegram" kanalında yerləşdirilmiş bəyanatında deyilir.

Məlumatda qeyd edilir ki, əməliyyat iyulun 6-da İsrailin Baalbek şəhərinin kənarına hava hücumuna cavab olaraq həyata keçirilib. Həmin hücum nəticəsində Hizbullah döyüşçüləri itki verib.

"İslam müqavimət bölmələri düşmən qüvvələrinin hərbi obyektini çoxsaylı reaktiv yaylım atəşi sistemlərindən atəşə tutublar", - məlumatda əlavə edilib.