Hindistanın qızıl-valyuta ehtiyatları 645,6 milyard dollara çatıb ki, bu da ölkə tarixində rekord səviyyədir.
İqtisadiyyat.az xəbər verir ki, bu barədə Hindistanın Ehtiyat Bankının rəhbəri Şaktikanta Das deyib.
"Hindistanın valyuta ehtiyatları 30 mart 2024-cü il tarixinə 645,6 milyard dollarlıq tarixi rekorda çatdı. Hindistan rupisi isə 2023-2024-cü maliyyə ilində dünyanın əsas valyutaları arasında stabil olaraq qalıb.
Qeyd edim ki, ölkənin qızıl-valyuta ehtiyatları ilk dəfə olaraq 2021-ci ildə 640 milyard dollar həddini keçib, lakin sonradan qlobal iqtisadi problemlər və geosiyasi vəziyyət fonunda inkişaf etməkdə olan ölkələrdən dollar aktivlərinin xaricə axını başlayıb. Bununla da ölkənin qızıl-valyuta ehtiyatları təqribən 524 milyard dollara qədər azalıb", - deyə o qeyd edib.
Gözəl Həşimova
