Hindistanın paytaxtı Yeni Dehlidə yağan güclü yağışlar nəticəsində 11 nəfər ölüb.. 

İqtisadiyyat.az xəbər verir ki, bu barədə "Times of India" məlumat yayıb. 

Hindistanın paytaxtında hava hərəkətinin dayandırıldığı qeyd edilir.

Güclü yağışlar Dehlinin əsas hava limanında üç terminaldan birinin damının uçmasına, uçuşların dayandırılmasına, yeraltı keçidlərdə su basmasına və kütləvi tıxaclara, şəhərin bəzi yerlərində elektrik və su təchizatının kəsilməsinə səbəb olub.

Bu ayın əvvəlində rekord həddə çatan ən pis isti dalğasını yaşayan Yeni Dehli iyunun 28-də son onilliklərin ən güclü yağışı ilə üzləşib və bir günlük yağıntı bütün ay ərzində şəhərin orta göstəricisini keçib.