Hindistanın Andhra Pradeş və Telanqana əyalətlərində yağan güclü yağışlar nəticəsində həyatını itirənlərin sayı 19-a yüksəlib.
İqtisadiyyat.az bu barədə “India Today”ə istinadən xəbər verir.
Məlumata görə, ölkənin cənubunda Andhra Pradeş və Telanqana ştatlarında yağan aramsız yağışlar daşqınlara, maddi ziyana və insan tələfatına səbəb olmaqda davam edir.
Səlahiyyətlilər Andhra Pradeşdə yağışlardan zərər çəkmiş 17 mindən çox insanın təhlükəsiz bölgələrə təxliyə edildiyini bildiriblər.
Gözəl Həşimova