Hindistanda iki həftə ərzində həddindən artıq yağışın səbəb olduğu daşqın və torpaq sürüşmələrində 16-dan çox insan həyatını itirib.

İqtisadiyyat.az dünya mediasına istinadən xəbər verir ki, ölkənin şimal-şərqinə təsir edən leysan yağışlar səbəbindən bölgədə 300 mindən çox insan su altında qalan evlərini tərk edib.

Səlahiyyətlilər, yağışlardan ən çox zərər çəkən əyalətlərdən biri olan Assamda xilasetmə işlərində Hindistan ordusunun da iştirak etdiyini bildirib.

Rəsmi məlumatlara görə, may ayının sonundan bəri ölkənin şimal-şərqində 6 ştatda daşqın və torpaq sürüşməsi nəticəsində 80-dən çox insan həlak olub.

 

Gözəl Həşimova