İqtisadiyyat.az xəbər verir ki, bu barədə “Mash” Telegram kanalı məlumat yayıb.

Sosial şəbəkələrdə yayılan görüntülərdə ağır artilleriyanın səsləri eşidilir. Bildirilir ki, döyüşlər Cammu bölgəsində beynəlxalq sərhəd xəttində aparılır.

Qeyd edək ki, böhran başladığından bəri ilk dəfədir ki, qarşıdurmalar nəzarət xəttində deyil, məhz rəsmi beynəlxalq sərhəddə baş verir.

Bir saat öncə Hindistanın Baş naziri Narendra Modi bəyan edib ki, ölkənin Silahlı Qüvvələri Cammu və Kəşmir bölgəsindəki terror aktına cavab olaraq fəaliyyət istiqaməti, vaxtı və məqsədi müstəqil şəkildə müəyyən etmək səlahiyyətinə malikdir. O, hind hərbçilərinin peşəkarlığına da tam inandığını bildirib.