Hindistan tamamilə özəl şirkət tərəfindən hazırlanmış və istehsal edilmiş ilk hərbi peyki olan "TSAT-1A"nı Yer orbitinə çıxarıb.

Bu barədə İqtisadiyyat.az "The Economic Times"a istinadən xəbər verir.

Peyk aprelin 7-də Floridadakı Con Kennedi Kosmik Mərkəzinin buraxılış meydançasından "SpaceX Falcon 9" raketi ilə buraxılıb.

Kosmik gəmi Yerin səthini müşahidə etmək üçün nəzərdə tutulub. "TSAT-1A"nın çəkisi 50 kq-dan azdır. Peyk Yerin aşağı orbitində işləmək üçün nəzərdə tutulub.

Bu məlumatların alıcıları Hindistan hökuməti, silahlı qüvvələr və kommersiya müştəriləri olacaq. Məlumatların emalı üçün xüsusi mərkəzin yaradılması nəzərdə tutulur.

Hindistan hazırda Kosmik Tədqiqatlar Təşkilatı tərəfindən hazırlanmış məhdud sayda hərbi peyklərə malikdir.

 

Gözəl Həşimova