Hindistan hərbçilərinin ikinci qrupu Maldiv adalarını tərk edib, beləliklə, mayın 10-dək başa çatmalı olan onlarla hindistanlı hərbçinin bu ölkədən çıxarılması proseduru davam edir. 

İqtisadiyyat.az xəbər verir ki, bu barədə ada dövlətinin prezidenti Məhəmməd Muizzou məlumat verib.

Onun sözlərinə görə, ikinci qrup cümə axşamı ölkəni tərk edib: "Yalnız bir qrup qalıb. Bütün əcnəbi hərbçilər mayın 10-na kimi buradan çıxacaqlar".

Təxminən 25 nəfərdən ibarət Hindistan qoşunlarının birinci qrupu martın 10-da ölkəni tərk edib. Onları mülki mütəxəssislər əvəz edib.