Hindistanın Ehtiyat Bankı Böyük Britaniyadakı anbarlardan 100,3 ton qızılı Hindistana geri köçürüb.
İqtisadiyyat.az bu barədə “The Times of India”ya istinadən xəbər verir.
Məlumata görə, yaxın aylarda Hindistan Mərkəzi Bankı ölkəyə daha bir analoji həcmdə qiymətli metal qaytara bilər. Bildirilir ki, bu, logistik səbəblər və saxlama yerlərinin şaxələndirilməsi üçün edilir.
Martın sonuna olan məlumata görə, Hindistan Mərkəzi Bankı 822,1 ton qızıla sahib olub ki, bunun da 413,8 tonu xaricdə saxlanılıb. Son maliyyə ilində tənzimləyici 27,5 ton qızıl alıb.
Hindistanda mərkəzi bankın qızılları tənzimləyicinin Mumbay və Naqpurdakı binasında saxlanılır.
