Amerikanın otellər şəbəkəsi "Hilton Worldwide Holdings" ikinci rübdə gəlirini 11% artırıb.
İqtisadiyyat.az xəbər verir ki, bu barədə şirkətin press-relizində qeyd olunub.
Bu ilin aprel-iyun aylarında hotelin gəliri 2,66 milyard dollardan 2,95 milyard dollara yüksəlib. "Hilton"un xalis mənfəəti 421 milyon dollar və ya hər səhmə görə 1,67 dollara yüksəlib.
Şirkət, həmçinin cari ilin sonuna qədər otaqların sayını 7-7,5% artırmağı planlaşdırır.
Qeyd edək ki, "Hilton"un kapitallaşması ilin əvvəlindən bəri 13,8% artaraq 51,8 milyard dollara çatıb.
Gözəl Həşimova
