İqtisadiyyat.az xəbər verir ki, bununla bağlı məlumat Nazirlər Kabinetinin 2024-cü ildəki fəaliyyəti haqqında hesabatında əks olunub.

Bildirilib ki, 2024-cü il Avropa İttifaqı (Aİ) və ABŞ tərəfindən Ermənistanın iqtisadi, sosial, eləcə də hərbi, hərbi-texniki baxımdan dəstəklənməsi ilə regionda hərbi-siyasi balansın Azərbaycan üçün əlverişli olmayan istiqamətdə dəyişdirilməsi cəhdlərinin intensivləşməsi ilə xarakterizə olunub:

“Fransanın birbaşa təhriki ilə Aİ-nin regiona münasibətində bitərəflik və qərəzsizlikdən daha da uzaqlaşması müşahidə edilib”.

Diqqətə çatdırılıb ki, hesabat dövründə Azərbaycanın milli maraqlarına qarşı addımların neytrallaşdırılması üçün zəruri fəaliyyət həyata keçirilib, regional və regiondan kənar dövlət və beynəlxalq təşkilatlar ilə Azərbaycanın normallaşmaya dair yanaşmasının izah edilməsi, bu yanaşmaya beynəlxalq dəstəyin təmin edilməsi və əks-təbliğat cəhdlərinin neytrallaşdırılması məqsədilə təmaslar intensivləşdirilib.