Ötən il Müdafiə Nazirliyinin hərbi-həkim komissiyasına 7 minə yaxın yaralanmış hərbçi barədə geridönməz hallar (amputasiya və s.) üzrə xüsusi siyahı təqdim edilib və şəhadətləndirilməsi üzrə işlər aparılıb.
İqtisadiyyat.az xəbər verir ki, bu, “Nazirlər Kabinetinin 2022-ci ildə fəaliyyəti haqqında hesabat”da əksini tapıb.
Sənəddə qeyd olunub ki, şəhadətləndirilən 5,5 min nəfərdən 3,7 min nəfərə əlillik təyinatı aparılıb, 1,5 min nəfərə isə imtina qərarı verilib.
Həmçinin ətrafları amputasiya olunmuş 216 nəfərin (bunlardan 211 nəfər Vətən Müharibəsi iştirakçısı, 5 nəfər 2022-ci il 12-14 sentyabr döyüşlərinin iştirakçısı olmaqla) protez ehtiytacı (ümumilikdə 225 ədəd) müəyyənləşdirilib, 202 nəfər (211 ədəd) yüksək texnologiyalı protezlə təmin edilib və 15 nəfərin yüksək texnologiyalı protezlə təminatı məqsədilə ölçülər götürülüb.
