İqtisadiyyat.az xəbər verir ki, bunu Milli Məclisin bu gün keçirilən plenar iclasında çıxışı zamanı deputat Siyavuş Novruzov deyib.

Deputat qeyd edib ki, valideyn uşağını həmin məktəbəqədər təhsil müəssisəsnə qoymalıdır: “Bu gün bəllidir ki, hər iki valideyn işləmədiyi şəraitdə ailəni dolandırmaq çətindir. Həmçinin, bələdiyyələrə uzunmüddətli güzəştli kreditlər verilsin ki, onların hər biri öz ərazisində məktəbəqədər təhsil müəssisəsi yaratsın".

Onun sözlərinə görə, elə özəl məktəbəqədər təhsil müəssisəsi var ki, illik qiyməti 7 min manatdır: "Azərbaycanda elə özəl ali məktəb tanımıram ki, orada 7 min təhsil haqqı tələb etsinlər. Bu məsələlərə də qanunvericilikdə yenidən baxılmasına ehtiyac var".