Fələstinin HƏMAS hərəkatının Siyasi Bürosunun rəhbəri İsmayıl Haniyə Qəzza zolağında sülh danışıqlarında vasitəçilərə xəbərdarlıq edib ki, İsrailin anklavdakı hazırkı hərəkətləri danışıqlar prosesi ərzində qazanılan bütün nailiyyətləri puça çıxara bilər.

İqtisadiyyat.az xəbər verir ki, müvafiq bəyanat təşkilatın "Telegram" kanalında dərc olunub

Sənəddə deyilir: "HƏMAS Siyasi Bürosunun rəhbəri İsmayıl Haniyə vasitəçilər ilə təcili telefon danışıqları aparıb və onlara xəbərdarlıq edib ki, İsrailin Qəzzada hazırkı hərəkətləri məsləhətləşmələri öz başlanğıc nöqtəsinə qaytara bilər. HƏMAS lideri danışıqların mümkün pozulmasına görə məsuliyyəti tamamilə İsrailin Baş naziri Benyamin Netanyahunun və Qəzza zolağının müxtəlif ərazilərində fəal əməliyyatlar aparan İsrail ordusunun üzərinə qoyub".