İqtisadiyyat.az xəbər verir ki, bu barədə "Reuters" agentliyi məlumat yayıb.

Administrasiyanın açıqlamasına görə, səkkiz federal hökumət agentliyi Harvard üçün nəzərdə tutulan bu qrantları ləğv edib. Bundan əlavə, bir həftə əvvəl də ümumi dəyəri 2,2 milyard dollar olan digər qrantlar dayandırılıb.

Qərar ABŞ hökumətinin antisemitizmlə mübarizə üzrə birgə işçi qrupu adından elan olunub. Bildirilib ki, Harvard Universitetində qeydə alınan irqi ayrı-seçkilik və antisemitizm halları bu addımın əsas səbəbi olub.

Qeyd edək ki, may ayının əvvəlində Prezident Tramp 2026-cı maliyyə ili üçün təqdim etdiyi büdcə layihəsində BMT qurumlarına, o cümlədən Ümumdünya Səhiyyə Təşkilatı (ÜST), UNESCO və digər orqanların büdcəsinə könüllü ödənişlərin dayandırılmasını təklif edib.