ABŞ-nin vitse-prezidenti Kamala Harris iyunun 15-də İsveçrədə Ukrayna ilə bağlı bir gün davam edəcək konfransı tərk edib.

İqtisadiyyat.az xəbər verir ki, bu barədə onun mətbuat xidməti məlumat yayıb.

Sürixdən Vaşinqtona uçmazdan əvvəl Harris Bürgenstokdakı görüşün necə keçdiyi barədə jurnalistin sualını cavablandırıb: "Görüş yaxşı keçdi, çox yaxşı". 

Qeyd edilib ki, Harris bu həftənin əvvəlində yayılan iş cədvəlinə görə, bazar günü konfransda iştirak etməyəcək. 

İclasın ikinci günündə ABŞ liderinin milli təhlükəsizlik üzrə müşaviri Ceyk Sallivan ABŞ-ni təmsil edəcək. O, jurnalistlərə bildirib ki, bazar günü işin mühüm hissəsi dövlət başçılarının köməkçiləri səviyyəsində aparılacaq.