"Android" əməliyyat sisteminin köhnəlmiş versiyaları ilə işləyən qurğular dünyada geniş istifadə olunduğuna görə hakerlər üçün daha çox maraq doğurur.

İqtisadiyyat.az xəbər verir ki, bu barədə "RİA Novosti"yə müsahibəsində “Kasperski Laboratoriyası” tədqiqat mərkəzinin rəhbəri Dmitri Qalov məlumat verib.

Onun sözlərinə görə, 2009-2023-cü illər ərzində istifadəçilərin sayına dair statistika göstərir ki, "Android" 2012-ci ildə populyarlığına görə "iOS"u ötüb. Və bu günə qədər liderliyini qoruyub saxlayır.

"Android" 2018-ci ildə maksimum istifadəçi bazasına çatıb. Belə ki, "Android" istifadə edənlərin sayının xeyli çox olması səbəbindən hakerlərin daha çox diqqətini çəkir. Hakerlərin "iOS" deyil, "Android" cihazları ilə maraqlanmasının başqa bir səbəbi isə "Apple"ın öz cihazlarını daha uzun müddət dəstəkləməsidir.

 

Gözəl Həşimova