"Türkiyə türkmənlərə dəstəyini davam etdirəcək".
İqtisadiyyat.az xəbər verir ki, bunu Türkiyə xarici işlər naziri Hakan Fidan Türkiyənin Bağdaddakı səfirliyində İraq Türkmən Cəbhəsinin və İraq türkmən icmasının liderləri ilə görüşündə deyib.
"İraq türkmənləri heç bir şəkildə qeyri-sabitlik və ya İraqın parçalanmasının və terrorun elementi olmayıb", - Fidan bildirib.
O qeyd edib ki, İraq türkmənləri iki ölkə arasında ən əhəmiyyətli körpülərdən biridir: "İraqdakı türkmən qardaşlarımızın bir çoxları üçün məruz qaldıqları ayrı-seçkilik və ədalətsizliyi aradan qaldırmaq məqsədilə Türkiyə illərdir sistemli və əzmlə türkmən qardaşlarımızın haqqını müdafiə edir, siyasi və iqtisadi hüquqların verilməsi üçün var gücü ilə çalışır".
