İqtisadiyyat.az xəbər verir ki, nazir özünün “X” sosial şəbəkəsindəki hesabında qeyd edib ki, bu gün beynəlxalq sülhə doğru atılmış əhəmiyyətli bir addım olub.

“Uzunmüddətli diplomatik səylər nəticəsində Rusiya və Ukrayna nümayəndələri Türkiyənin vasitəçiliyi ilə İstanbulda bir araya gəlib. Görüş zamanı qarşılıqlı etimadı gücləndirmək üçün hər iki tərəfdən min nəfərlik əsir mübadiləsi barədə razılıq əldə olunub. Eyni zamanda, atəşkəsə nail olmaq üçün zəruri olan şərtlərin yazılı şəkildə qarşı tərəflə paylaşılması barədə razılaşma əldə edilib. Tərəflər danışıqların davam etdirilməsi mövzusunda da prinsipial razılıq bildiriblər”, – deyə Fidan qeyd edib.

O əlavə edib ki, Türkiyə bundan sonra da Rusiya və Ukrayna arasında davamlı sülhün təmin olunması üçün öz səylərini əsirgəməyəcək.