İqtisadiyyat.az xəbər verir ki, bu barədə Türkiyə Xarici İşlər Nazirliyi məlumat yayıb. 

Bildirilir ki, Hakan Fidan bu toplantıda D-8 üzv ölkələr arasında əməkdaşlıq əlaqələrinin daha da gücləndirilməsi, regional və beynəlxalq gündəmdə olan məsələlər, eləcə də təşkilatın gələcək fəaliyyət istiqamətlərinə dair müzakirələrdə iştirak edəcək.

Misirdə keçiriləcək bu tədbir çərçivəsində Hakan Fidanın digər üzv ölkələrin nümayəndələri ilə ikitərəfli görüşlər keçirəcəyi, tərəflər arasında siyasi, iqtisadi və ticari münasibətlərin inkişafı üçün müzakirələr aparacağı gözlənilir.

Qeyd edək ki, D-8 təşkilatı 1997-ci ildə qurulub və üzvləri arasında Türkiyə, Banqladeş, Misir, İndoneziya, İran, Malayziya, Nigeriya və Pakistan yer alır. Təşkilatın əsas məqsədi üzv ölkələr arasında iqtisadi əməkdaşlığı artırmaq və ortaq problemlərə həll yolları tapmaqdır.