Haitinin Baş naziri Ariel Henri istefa verib.

Bu barədə İqtisadiyyat.az "Reuters"ə istinadən xəbər verir.

Bundan əvvəl bəzi cinayətkar qrupların Ariel Henrinin hökumətini devirmək planları barədə məlumat yayılıb. Baş nazir Haitidə quldur dəstələrinin törətdiyi zorakılıq və gərgin etirazlardan sonra tutduğu vəzifədən istefa verdiyini açıqlayıb.

Qeyd edək ki, Haitidə həbsxanadan qaçan məhbusların tutulması üçün martın 4-də elan edilən 72 saatlıq fövqəladə vəziyyət martın 7-də 1 ay müddətinə uzadılıb. BMT-nin məlumatına görə, Haitidə son bir həftədə 15 min insan zorakılıq səbəbilə didərgin düşüb

Haitidə təhlükəsizlik və humanitar vəziyyət 2021-ci ildə prezidentin öldürülməsindən və həmin ilin avqustunda 2200-dən çox insanın ölümünə səbəb olan zəlzələdən sonra pisləşib.

 

Gözəl Həşimova