Bu gün Tehrandakı səfirliyimizə silahlı hücumla bağlı millət vəkili Naqif Həmzəyev İqtisadiyyat.az-a danışıb:
"Tehranda baş vermiş terror hadisəsi hər kəsi üzdü. Diplomatik xidmət göstərən səfirliklərin təhlükəsizliyini həmin ölkənin hüquq mühafizə orqanları qorumalıdır. Çox təəssüflər olsun ki, bizim səfirliyin mühafizəsi yaxşı təşkil edilməyib. Hətta bu terror hadisəsinin törədilməsinə bəlkə də müəyyən dərəcədə şərait də yaradılıb. Bizim öz mühafizəçilərimiz şücaət göstərməli olublar. Təəssüf ki, şəhidimiz var. Allah rəhmət etsin. Yaralılara şəfa diləyirəm.
İran-Azərbaycan münasibətlərinin gərginliyi fonunda bu hadisənin baş verməsi heç də arzuolunan deyil. Burada müxtəlif məqamlar ola bilər. Düşünürəm ki, bu hadisədə iki ölkə arasındakı münasibətləri daha da gərginləşdirmək istəyən qüvvələrin də əli ola bilər. İnanırıq ki, məsələ ciddi araşdırılacaq".
