Ötən ay Gürcüstan və Rusiya arasında ticarət dövriyyəsi təxminən 190 milyon dollar təşkil edib ki, bu da ötən ilin analoji göstəricisindən 28% azdır.
İqtisadiyyat.az xəbər verir ki, bu barədə Gürcüstanın Milli Statistika Xidmətinin məlumatında deyilir.
Gürcüstanın ən böyük ticarət tərəfdaşları arasında Rusiya ikinci yerdədir. Hesabat dövründə Rusiyanın ölkənin xarici ticarət həcmində payı 14,2% təşkil edib. Ötən ay Gürcüstandan Rusiyaya ixrac 41 milyon dollar, idxal isə 148 milyon dollar təşkil edib.
2024-cü ilin yanvarında Gürcüstanın ticarət tərəfdaşları arasında birinci yeri Türkiyə tutub. Bu dövrdə iki ölkə arasında ticarət dövriyyəsi təxminən 233 milyon dollar təşkil edib.
Gözəl Həşimova