"Gürcüstanın xarici dövlət borcu iyulun sonuna 8,8 milyard dollar təşkil edib ki, bu da əvvəlki ayla müqayisədə 111 milyon dollar və ya 1,2% çoxdur".
İqtisadiyyat.az xəbər verir ki, bu barədə Gürcüstan Maliyyə Nazirliyi məlumat yayıb.
Maliyyə Nazirliyinin məlumatına görə, xüsusilə, Gürcüstanın Asiya İnkişaf Bankına dövlət borcu 54,2 milyon dollar, Avropa İnvestisiya Bankına isə 11,5 milyon dollar artıb.
Gürcüstanın dövlətlərə borcları arasında onun Fransaya olan borcu 13,6 milyon dollar artaraq 771,9 milyon dollardan çox olub. Bu ölkə Gürcüstanın dövlət borcunun ən böyük sahibi olaraq qalır. Almaniyaya olan borc 7,6 milyon dollar artaraq 590,8 milyon dollara çatıb.