Gürcüstanın beynəlxalq hava limanları bu ilin yanvar-iyul aylarında 4 milyondan çox sərnişinə xidmət göstərib ki, bu da ötən illə müqayisədə 28% çoxdur.
İqtisadiyyat.az xəbər verir ki, bu barədə Gürcüstan Hava Limanları Assosiasiyasının mətbuat xidməti məlumat yayıb.
Tbilisi Beynəlxalq Hava Limanı təkcə bu ilin iyul ayında demək olar ki, 520 min sərnişinə xidmət göstərib ki, bu da ötən illə müqayisədə 29% çoxdur.
Ötən ay Batumi Beynəlxalq Hava Limanında sərnişin axını isə 147 min nəfərdən çox olub ki, bu da 2023-cü ilin analoji göstəricisindən 48% çoxdur.
Gürcüstan Hava Limanları Assosiasiyası əlavə edib ki, bu il respublikanın hava limanlarının 6,5 milyondan çox sərnişinə xidmət göstərəcəyini gözləyirlər.
Gözəl Həşimova
