Gürcüstanda ABŞ-nin Avropadakı Xüsusi Əməliyyatlar Komandanlığının dəstəyi ilə "Troya Trail 24" çoxmillətli təlimi başlayıb. 

İqtisadiyyat.az xəbər verir ki, bu barədə Gürcüstan Müdafiə Nazirliyinin mətbuat xidməti məlumat yayıb.

"Gürcüstan çoxmillətli "Troyan Trail 24" təliminə ev sahibliyi edir. Təlimdə Müdafiə Qüvvələrinin Xüsusi Əməliyyat Qüvvələri Komandanlığının bölmələri iştirak edir. Təlimin rəsmi açılış mərasimi Gürcüstan-NATO Birgə Təlim və Qiymətləndirmə Mərkəzində (JTEC) baş tutub", - deyə məlumatda bildirilir.

Manevrlərdə gürcü və amerikalı hərbçilərlə yanaşı, Böyük Britaniya, İspaniya, Polşa və Rumıniyadan olan hərbçilər də iştirak edir. Mətbuat xidməti əlavə edib ki, təlimlərə Gürcüstan Müdafiə Nazirliyinin ərazi müdafiə ehtiyatları və könüllü təşkilatların nümayəndələri də qatılacaq.

Təlimlər zamanı hərbçilər həm Şərqi, həm də Qərbi Gürcüstanda quruda və dənizdə müxtəlif tapşırıqları yerinə yetirəcəklər. "Trojan Trail 24"ün məqsədi iştirakçı ölkələrin hərbçiləri arasında uyğunluğu artırmaq, təcrübə mübadiləsi aparmaq və döyüş hazırlığı səviyyəsini yüksəltməkdir.

"Trojan Trail 24" təlimi eyni vaxtda üç ölkədə keçirilir: Gürcüstan, Yunanıstan və Rumıniya. Gürcüstan bu təlimlərdə üçüncü dəfədir iştirak edir.