Ötən il Rusiyadan Gürcüstana pul köçürmələrin həcmi 1,5 milyard dollardan çox olub ki, bu da 2022-ci illə müqayisədə 26% azdır.

İqtisadiyyat.az xəbər verir ki, bu barədə Gürcüstan Milli Bankının dərc etdiyi məlumatda deyilir.

Məlumata görə, Gürcüstana pul köçürmələrinin həcminə görə Rusiya birinci yerdədir.

Pul köçürmələrin həcminə görə ikinci yerdə İtaliya qərarlaşıb. Son bir ildə bu ölkədən Gürcüstana 518,6 milyon dollar daxil olub ki, bu da 2022-ci ilin göstəricilərindən 20,1% çoxdur.

ABŞ bu siyahıda üçüncü yerdədir. ABŞ-dən Gürcüstana 456,4 milyon dollar köçürülüb ki, bu da 2022-ci illə müqayisədə 39,5% çoxdur.

Ümumilikdə, ötən il dünya ölkələrindən Gürcüstana 4,1 milyard dollardan çox vəsait köçürülüb ki, bu da 2022-ci illə müqayisədə 4,6% azdır.

 

Gözəl Həşimova