Alimlər günəş enerjisini qayalarda saxlamaq və istiliyi elektrik enerjisinə çevirmək üsulunu kəşf ediblər. İqtisadiyyat.az xarici mediaya istinadən xəbər verir ki, Tanzaniyadan olan bir araşdırma qrupu, “konsentrasiya edilmiş günəş enerjisi” adlanan bir yanaşma vasitəsilə bəzi qranitlərin və sabun daşlarının günəş istiliyini kifayət qədər yüksək sıxlıqda saxlayaraq primitiv batareya kimi xidmət edə biləcəyini aşkar edib. 

İstilik enerjisinin depolanması Günəş enerjisi artıq parlamadıqda belə, onu saxlamaq və bərpa etmək üçün az büdcəli bir yol kimi təklif olunur. Keçən il İsveç və Çin alimləri termoelektrik generator funksiyasını yerinə yetirən ultra nazik çipdən istifadə edərək günəş enerjisini təxminən 20 il saxlamağın yolunu tapmışdılar. Bu innovativ sistem texniki cəhətdən elektron cihazlara inteqrasiya oluna bilsə də, onun geniş miqyasda tətbiqi hələ də çox baha başa gəlir.

Bunun əksinə olaraq, tədqiqatçılar deyirlər ki, qranit və sabundaşı nümunələri günəş enerjisini saxlamaq üçün ucuz və asanlıqla əldə edilə bilən bir üsuldur.  Elm adamları tapıntıların ümumiləşdirildiyi məqalədə bunları qeyd ediblər: "Qayalardan enerji deposu kimi istifadə süxurların bolluğu və aşağı qiymətə başa gəlməsi səbəbindən çox əlverişlidir.

Qaya yatağı təxminən 600 dərəcə Selsi istilikdə olan günəş enerjisini özündə saxlayır, daha sonra bu enerji mayeni buxara çevirərək elektrik enerjisi yaradan generator turbinini işə salmaq üçün istifadə olunur.

Tədqiqatın nəticəsi Amerika Kimya Cəmiyyəti tərəfindən nəşr olunan "Sabundaşı və qranit süxurlarının konsentratlaşdırılmış günəş enerjisi istehsalı və günəş qurutma texnologiyası üçün enerji saxlama materialları kimi eksperimental tədqiqi"nə əsaslanır.