Azərbaycanın ictimai xadimi, yazıçı və şair, filologiya üzrə fəlsəfə doktoru Gülhüseyn Kazımov vəfat edib.
Bu barədə İqtisadiyyat.az-a onun ailəsindən məlumat verilib.
Bildirilib ki, G.Kazımov ötən gün 74 yaşında dünyasını dəyişib.
Qeyd edək ki, Gülhüseyn Kazımov 1950-ci ildə Cəbrayıl rayonunun Kavdar kəndində anadan olub. O, Azərbaycan Yazıçılar Birliyinin və Azərbaycan Jurnalistlər Birliyinin üzvüdür, bir neçə şeirlər kitabının müəllifidir. Şeirlərinə Azərbaycanın məşhur bəstəkarlarından mahnılar bəstələnib və məşhur müğənnilər ifa edib.
Azərbaycan Muğam tarixinin öyrənilməsi istiqamətində önəmli araşdırmalar və əsərlərin müəllifi olan Gülhüseyn Kazımlı iyirmi kitabın, bir monoqrafiyanın müəllifidir.
O, Nazirlər Kabinetində, Daşınmaz Əmlakın Dövlət Reyestri Xidmətində və digər dövlət qurumlarında çalışıb.
.webp)
