İqtisadiyyat.az xəbər verir ki, bu barədə Britaniyanın “The Guardian” qəzeti yazıb.

“Bəzi Avropa rəsmilərinin də İstanbula gəlmək ehtimalı var”, – deyə məqalədə bildirilir.

Yazının müəllifləri qeyd edirlər ki, Avropa ölkələrinin nümayəndələri Ukrayna rəsmilərinin bu mühüm görüşə nə dərəcədə hazır olduqlarını öyrənmək istəyirlər, baxmayaraq ki, görüşün hazırlıq mərhələsi kifayət qədər qısa olub.

Xatırladaq ki, Rusiya Prezidenti Vladimir Putin 15 may tarixində, heç bir ilkin şərt olmadan, İstanbulda görüş keçirməyi Ukraynaya təklif etmişdi. O bildirmişdi ki, dayanıqlı sülhün əldə olunması üçün dialoq vacibdir.

Ukrayna lideri Volodimir Zelenski isə cavabında əvvəlcə atəşkəsin elan olunmasının zəruri olduğunu, yalnız bundan sonra danışıqların mümkün ola biləcəyini bildirib.