"Google"un ana şirkəti olan "Alphabet" öz işçilərini süni intellektli chatbotlara, o cümlədən "Bard" proqramına qarşı xəbərdar edib.

İqtisadiyyat.az dünya mediasına istinadən xəbər verir ki, texnologiya nəhəngi əməkdaşlarını gizli məlumat və materialları chatbotlara göndərməməyə çağırıb. Bu xəbərdarlıq şirkətlərin süni intellektli chatbotlarla bağlı narahatlığına yol açıb.

 “Samsung”, “Amazon” və “Deutsche Bank” kimi firmalar chatbotlara qarşı təhlükəsizliklə bağlı addımlar atmağa qərar veriblər.  "Fishbowl" sosial media platforması tərəfindən sorğuda iştirak edən 12 minə yaxın işçinin isə 43 faizinin süni intellekt proqramlarından istifadə etdiyi ortaya çıxıb. 

Chatbotlarla bağlı yaranan vəziyyətlə bağlı "Microsoft"un istehlak marketinqi direktoru Yusuf Mehdi bildirib ki, şirkətlərin işçilərinin iş üçün chatbotlardan istifadə etməyə icazə verməməsi məntiqli qərardır. 

Gülşən Şərif