Süni intellekt nəhəngi ChatGPT-nin sahibi OpenAI-ın ən böyük rəqibi Google, Bard adlı süni intellektinə yeni dil seçimləri əlavə edib. Bundan əlavə, şirkət süni intellektin indi daha ağıllı olduğunu açıqlayıb.

İqtisadiyyat.az dünya mətbuatına istinadən xəbər verir ki, istifadəçilər sorğuya daxil olduqdan sonra audio işarəsini seçərək Bard-ın şifahi cavablarını dinləyə biləcəklər. 

Google-dan bildirilib ki, şifahi cavablar hazırda 40-dan çox dildə mövcuddur.

Google-un may ayında keçirilən I/O konfransında isə, ilk dəfə şəkillər əlavə etməyə imkan verən xüsusiyyəti nümayiş etdirilib.

Google həmçinin Bard-a bir neçə yeni funksiya əlavə edib, məsələn adını dəyişmək, cavabları paylaşmaq və aldığınız cavabların tonunu və üslubunu dəyişdirmək mümkün olacaq.

Bu xüsusiyyətlərdən başqa Bard həm də artıq Anadolu türkcəsini də dəstəkləyəcək.