Azərbaycanın ikinci böyük şəhəri olan Gəncədə növbədənkənar prezident seçkisinin ilk saatlarında aktivlik müşahidə olunur.
İqtisadiyyat.az Secki-2024.az-a istinadən xəbər verir ki, səhər saat 8:00-dan ölkənin digər şəhər və rayonlarında olduğu kimi, Gəncə şəhərində də Azərbaycan Respublikasının növbədənkənar prezident seçkisi start götürüb.
Seçkiyə start verilən ilk dəqiqlərdən etibarən Gəncə sakinləri aktivlik nümayiş etdirirlər.
Qeyd edək ki, 38 saylı Gəncə birinci seçki dairəsində biri qapalı olmaqla 39 məntəqədə 53 min 185 nəfər, 39 saylı Gəncə ikinci seçki dairəsində olan 36 məntəqədə 50 min 147 nəfər, 40 saylı Gəncə üçüncü seçki dairəsində 3-ü qapalı olmaqla 41 məntəqədə 54 min 548 nəfər, 41 saylı Gəncə-Samux-Goranboy seçki dairəsində biri qapalı olmaqla 48 məntəqədə 50 min 147 nəfər səsvermə hüququna malikdir. Bütün məntəqələrdə, məntəqə üzvlərinə, seçicilərə və müşahidəçilərə lazımi şərait yaradılıb.
