Gələn il üçün Azərbaycanda onkoloji xəstələrə ayrılan vəsaitin məbləği açıqlanıb. 

İqtisadiyyat.az-ın əldə etdiyi məlumata görə, bu barədə məlumat 2024-cü ilin dövlət büdcəsinin layihəsində öz əksini tapıb.

Qeyd edilib ki, onkoloji xəstəliyə tutulmuş şəxslərin sağlamlığının qorunması, dərman peraparatlarına olan tələbatının ödənilməsi, müayinə, müalicə və reabilitasiyanın həyata keçirilməsi və bu sahənin maddi-texniki bazasının gücləndirilməsi məqsədilə Milli Onkologiya Mərkəzinə və Azərbaycan Tibb Universitetinin Onkoloji klinikasına 50.1 milyon manat vəsaitin ayrılması nəzərdə tutulur. 

Qeyd edək ki, Azərbaycan Respublikasının 2024-cü il dövlət büdcəsinin gəlirləri 34 173 000 manat, xərcləri 36 763 000 manat (o cümlədən, mərkəzləşdirilmiş gəlirləri 33 399 895 manat, yerli gəlirləri 773 105 manat, mərkəzləşdirilmiş xərcləri 35 980 547 manat, yerli xərcləri 782 453 manat) məbləğində nəzərdə tutulur.