Yaponiya hazırda əmək məhsuldarlığına görə Böyük Britaniya, Almaniya, İtaliya, Kanada, ABŞ və Fransanın da daxil olduğu Yeddilik Qrupunda (G7) sonuncu yeri tutur.

İqtisadiyyat.az dünya mediasına istinadən xəbər verir ki, ölkə uzun müddət İqtisadi Əməkdaşlıq və İnkişaf Təşkilatının (İƏİT) 38 üzvü arasında təxminən 20-ci yerdə idisə, bu il 30-cu yerə enib. Bu da ölkə tarixindəki ən aşağı səviyyədir.

Bildirilib ki, Yaponiya uzun illər İƏİT reytinqində təxminən 20-ci yeri tutub. Bununla belə, son dörd ildə ölkə əmək məhsuldarlığı baxımından mövqelərini kəskin şəkildə itirməyə başlayıb.

Yaponiyada işçi hazırda saatda 52,2 dollar dəyərində mal və xidmət istehsal edir. Yeddilik Qrupunda bu göstərici üzrə ABŞ liderdir (89,8 dollar).

 

Gözəl Həşimova