Yeddilik Qrupu (G7) İsveçrədə Ukrayna sülh konfransını alqışlayır və Kiyevin sülh planına mümkün qədər geniş dəstək veriləcəyinə ümid edir. 

İqtisadiyyat.az xəbər verir ki, bu barədə İtaliyanın cənubunda keçirilən sammitin yekunlarına dair bəyanatda deyilir. 

"İyunun 15-də və 16-da İsveçrədə keçirilməsi planlaşdırılan Ukrayna sülh konfransını alqışlayırıq. Prezident Zelenskinin sülh düsturunun əsas prinsipləri və məqsədləri üçün mümkün olan ən geniş beynəlxalq dəstəyi əldə etməyə çalışmaqda davam edəcəyik. Bizim son məqsədimiz ədalətli, davamlı və qlobal sülhə nail olmaqdır", - məlumatda deyilir.

Sənəd Ukraynaya yardımın "lazım olduğu müddətcə" veriləcəyini təsdiqləyib.