İqtisadiyyat.az xəbər verir ki, bu barədə G7 xarici işlər nazirlərinin bəyanatında qeyd olunub.

Bəyanata əsasən, Rusiya müdafiə-sənaye bazası üçün avadanlıq və malların əldə edilməsinə dəstək verən maliyyə qurumları və digər təşkilatlar hədəfə alınacaq.

Eyni zamanda, G7 ölkələri Rusiyanın xammal və enerji resurslarının satışından əldə etdiyi gəlirlərə təzyiq göstərmək niyyətində olduqlarını bildiriblər.

Bundan əlavə, Rusiyaya qarşı əlavə məhdudlaşdırıcı tədbirlərin tətbiq edilməsi planlaşdırılır.

Qərb ölkələri dəfələrlə Çini Rusiya müdafiə-sənaye kompleksinə dəstək verəcəyi təqdirdə, sanksiyalarla hədələyiblər. Oktyabr ayında Çin Xarici İşlər Nazirliyi bəyan edib ki, Pekin Ukrayna münaqişəsinin heç bir tərəfinə silah vermir və ikili təyinatlı malların, o cümlədən pilotsuz uçuş aparatlarının ixracını ciddi şəkildə nəzarətdə saxlayır.