Fransa hökuməti ölkənin bu il iqtisadi artım proqnozunu 1,4%-dən 1%-ə endirib.

İqtisadiyyat.az xəbər verir ki, bu barədə Fransanın iqtisadiyyat, maliyyə, sənaye və rəqəmsal suverenlik naziri Bruno Le Maire deyib.

O həmçinin bildirib ki, büdcə xərclərinin 10 milyard avro azaldılması planlaşdırılır. Nazirin sözlərinə görə, ixtisarlar bütün nazirliklərə təsir edəcək, bəzi proqramlar üzrə xərclər kəsiləcək: “Bu, Fransaya bu il büdcə kəsirini keçən ilki ÜDM-in 4,9%-dən ÜDM-in 4,4%-nə endirmək hədəfini saxlamağa imkan verəcək”.