"Fransa hökuməti bu il Ukraynaya əlavə 14 milyon avro ayıracaq".

İqtisadiyyat.az "UNİAN"a istinadən xəbər verir ki, bu barədə Londonda başlayan Ukraynanın bərpasına dair konfransda Fransanın Avropa və Xarici İşlər naziri Ketrin Kolonna bildirib.

Onun sözlərinə görə, Fransa hökuməti özəl sektoru Ukraynaya investisiya qoymağa təşviq edəcək: "Bu il ayrılacaq vəsait kritik infrastrukturun bərpası, Ukraynanın dayanıqlığının artırılması və gələn qışa hazırlıq üçün istifadə olunacaq. Eyni zamanda, bu dəstək əsasən tibbi avadanlığın təcili bərpasına sərf ediləcək".

Əlavə edək ki, konfransda Ukraynada mənzillərin bərpası, minatəmizləmə və rəqəmsal bərpa məsələlərinə də baxılacaq.