Fransada aylarla kütləvi etirazlara səbəb olan mübahisəli pensiya islahatı qüvvəyə minib. Belə ki, bu gündən pensiya yaşı 2030-cu ilə qədər hər il 3 ay artırılacaq.
İqtisadiyyat.az dünya mediasına istinadən xəbər verir ki, beləliklə ölkədə pensiya yaşı tədricən 62-dən 64-ə yüksələcək.
Bundan əlavə, fransızlar tam pensiya almaq üçün daha uzun müddət işləməli olacaqlar. Əksər pensiyalar üçün tələb olunan iş təcrübəsi 2027-ci ilə qədər tədricən 42 ildən 43 ilə qədər artacaq. Eyni zamanda, 21 yaşından əvvəl işə başlayanlar və ya əlil vətəndaşlar daha tez pensiyaya çıxa biləcəklər.
Əlavə edək ki, pensiya islahatının qüvvəyə minməsi ölkədə aylarla davam edən və milyonlarla insanın iştirak etdiyi nümayişlərə səbəb olub. Ölkədə islahat əleyhinə keçirilən aksiyalarda 1000-dən çox insan saxlanılıb.
Gözəl Həşimova
