Bu ilin mayında Fransada istehlak qiymətləri illik müqayisədə 2,7% artıb.

İqtisadiyyat.az xəbər verir ki, bu barədə ölkənin Milli Statistika və İqtisadi Tədqiqatlar İnstitutunun (Insee) hesabatında deyilir.

Məlumata görə, qiymətlərin 2,4% artdığı aprel ayı ilə müqayisədə inflyasiya sürətlənib. Belə ki, istehlak qiymətləri bu ay 0,6% artımın müşahidə olunduğu aprel ayı ilə müqayisədə 0,2% artıb.

Fransada may ayında ərzaq qiymətlərinin artım tempi apreldəki 1,2%-dən illik ifadədə 1,3%-ə, enerji qiymətləri isə 3,8%-dən 5,8%-ə yüksəlib. Sənaye məhsullarının qiymətləri bir ay əvvəl 0,1% ucuzlaşdıqdan sonra dəyişməz qalıb, xidmətlərin qiymətlərinin artım tempi isə 3%-dən 2,7%-ə düşüb.

Həmçinin Fransada istehlak xərcləri aprel ayında əvvəlki ayla müqayisədə 0,8% azalıb. Martda ölkədə istehlak xərcləri 0,5% artıb.

 

Sadiq Cavadov