Fransada aprel ayında inflyasiya illik ifadədə 2,2% təşkil edib.

İqtisadiyyat.az xəbər verir ki, bu barədə ölkənin Milli Statistika və İqtisadi Araşdırmalar İnstitutu (INSEE) məlumat yayıb.

Məlumata görə, ötən ay ölkədə illik inflyasiya 2,3% səviyyəsində olub. Ötən ilin aprel ayında isə inflyasiya 5,9% təşkil edib.

İnflyasiyanın cüzi azalması qismən ərzaq və tütün məmulatlarının qiymət artımının yavaşlaması, qismən də sənaye məhsullarının qiymətlərinin illik müqayisədə bir qədər aşağı düşməsi ilə bağlı olub.

Qeyd edək ki, Fransada inflyasiya 2020-ci ilin sonundan etibarən yüksəlir.

 

Gözəl Həşimova