Fransada pensiya yaşının artırılmasına qarşı etirazlarda Bordeaux bələdiyyəsinin binası yandırılıb.

İqtisadiyyat.az bildirir ki, giriş qapısını alov bürümüş meriya binasındakı yanğın tez bir zamanda söndürülüb, amma onu kimin yandırdığı bəlli deyil. Daxili İşlər Nazirliyinin məlumatına görə, cümə axşamı günü 119 mini Parisdə olmaqla, Fransada bir milyondan çox insan küçələrə çıxıb.

Polis paytaxtda nümayişçilərə qarşı gözyaşardıcı qazdan istifadə edib. 80 nəfər isə saxlanılıb.

Xatırladaq ki, etirazlara səbəb pensiya yaşının 62-dən 64-ə qaldırılması olub.