İqtisadiyyat.az xəbər verir ki, bu barədə "Financial Times" nəşri yazıb.

“Britaniya və Fransa rəsmiləri artıq La-Manş boğazını keçərək qeyri-qanuni şəkildə Britaniyaya daxil olan az sayda miqrantın Fransaya qaytarılmasını nəzərdə tutan pilot layihəni müzakirə edirlər”, – deyə məqalədə bildirilir.

Razılaşmaya əsasən, əvəzində Britaniya ailələrin birləşməsi proqramı çərçivəsində ölkədə qanuni status almağa iddialı olan miqrantları qəbul edəcək.

Fransa Daxili İşlər Nazirliyi bu məsələ üzrə danışıqları təsdiqləyib və ümid etdiyini bildirib ki, belə bir razılaşma gələcəkdə bütün Avropa İttifaqında tətbiq olunacaq.