"Fransa Ukraynaya hərbi, siyasi və humanitar sahələrdə dəstəyini davam etdirəcək".

İqtisadiyyat.az xəbər verir ki, bu barədə Fransanın xarici işlər naziri Ketrin Kolonna keçirdiyi mətbuat konfransında bildirib.

"Ukraynanın xarici işlər naziri Dmitro Kuleba ilə görüşdə təhlükəsizlik, Ukrayna taxılının ixracının davam etdirilməsi və Rusiyanın Qara dəniz taxıl dəhlizi sazişindən çıxması kimi bir çox mövzunu müzakirə etdik.

Rusiya-Ukrayna müharibəsi 18 aydır ki, davam edir. Rusiyanın Ukraynanın infrastrukturunu və taxılını məhv etmək strategiyasını pisləyirik", - deyə nazir vurğulayıb.

 

Gözəl Həşimova