Fransa Şimali Koreyanın ballistik raket texnologiyasından istifadə edərək hərbi casus peyki buraxmaq cəhdini kəskin şəkildə pislədiyini bildirib.

İqtisadiyyat.az bildirir ki, Fransa Xarici İşlər Nazirliyi bildirib ki, Şimali Koreyanın bu təşəbbüsü beynəlxalq hüquqları pozur.

"Fransa Şimali Koreyanı sabitliyi pozan hərəkətlərini dərhal dayandırmağa, öhdəliklərini gecikdirmədən yerinə yetirməyə və danışıqlar masasına qayıtmağa çağırır" – deyə bəyanatda deyilir.

Şimali Koreyanı nüvə silahı istehsal etməmək üzrə öhdəliklərinə əməl etməyə çağıran bəyanatda Fransanın Avropa və beynəlxalq müttəfiqləri ilə BMT Təhlükəsizlik Şurasının qətnamələrini yerinə yetirmək üçün səfərbər olacağı qeyd edilib.