Fransa Xarici İşlər Nazirliyi İsrailin baş naziri Benyamin Netanyahu və ölkənin keçmiş müdafiə naziri Yoav Qalant haqqında həbs qərarına münasibət bildirib,
İqtisadiyyat.az xəbər verir ki, bu barədə "Reuters" məlumat yayıb.
"Parisin BCM-in baş nazir Netanyahunun həbsinə order verməsinə reaksiyası məhkəmənin nizamnaməsinə uyğun olacaq", - deyə Fransa Xarici İşlər Nazirliyinin nümayəndəsi bildirib.
Bundan əlavə, Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell BCM-nin qərarının haqlı olduğunu və siyasi motivli olmadığını bildirib.
BCM Netanyahu və Qallant üçün "insanlığa qarşı cinayətlər və müharibə cinayətləri" ilə əlaqədar həbs orderi verib. Bunlar ən azı 8 oktyabr 2023-dən 20 may 2024-dək olan dövrü əhatə edir. BCM İsrailin Roma Nizamnaməsinin 18 və 19-cu maddələrinə əsaslanaraq verdiyi etirazları rədd edib.
