Fransa Silahlı Qüvvələr Nazirliyi Rusiya Federasiyası Xarici Kəşfiyyat Xidmətinin (SVR) direktoru Sergey Narışkinin Fransa hərbçilərinin Ukraynada olması və Parisin 2 min nəfərlik kontingent göndərməyə hazır olması barədə səsləndirdiyi məlumatı təkzib edib.

İqtisadiyyat.az xəbər verir ki, dövlət qurumu agentlik bu məlumatın "kütləvi dezinformasiyadan sistematik istifadənin bir hissəsi" olduğunu bildirib.

Qeyd edək ki, Narışkin daha əvvəl bildirmişdi ki, Fransa artıq Ukraynaya göndəriləcək hərbi kontingent hazırlayır, ilkin mərhələdə bu, təxminən 2 min nəfər təşkil edəcək. Eyni zamanda, onun sözlərinə görə, Fransa hərbçiləri artıq qeyri-rəsmi olaraq Ukraynada mövcuddur, onların arasında ölən və yaralananlar da var.