Münhen "Bavariya"sının və Almaniya millisinin sabiq baş məşqçisi Hans-Diter Flik yaxın günlərdə İspaniyanın vitse-çempionu "Barselona" ilə müqavilə imzalayacaq.

İqtisadiyyat.az İspaniyanın AS nəşrinə istinadən xəbər verir ki, onun illik maaşı vergilər çıxıldıqdan sonra 3 milyon avro olacaq.

Flik bir neçə gündür Barselonadadır. Onun müqaviləsi 2026-cı ilə qədər olacaq.

Çempionlar Liqası kubokunu qazanacağı halda 1 milyon avro, La Liqa çempionluğu üçün 750 min avro bonus veriləcək

Maliyyə problemlərinə görə Flikin məşqçilər korpusunda iki köməkçi olacaq: Toni Tapaloviç və Markus Zorq.