İqtisadiyyat.az xəbər verir ki bu barədə “Fitch” Qlobal İqtisadi Görünüş Hesabatını açıqlayıb.
Hesabatda ABŞ-nin yeni administrasiyasının ABŞ və dünya iqtisadiyyatının böyüməsini yavaşlatacağı və ABŞ-də inflyasiyanı artıracağı bildirilib.
Hesabatda dünya iqtisadiyyatının artımının bu il tendensiyadan xeyli aşağı olacağı və gələn il də zəif qalmağa davam edəcəyi bildirilib.
“Fitch” bu il üçün ABŞ iqtisadiyyatı ilə bağlı proqnozunu 2,1 faizdən 1,7 faizə, gələn il isə 1,7 faizdən 1,5 faizə endirib. Hesabatda Çin iqtisadiyyatının bu il 4,4 faiz, gələn il isə 4 faiz artacağı gözlənilir.
Türkiyə iqtisadiyyatının isə bu il 2,6%, gələn il 3,5% artacağı təxmin edilir.
Gözəl Azadəliyeva
